En Ribadeo, con motivo da celebración do 25 de novembro, en 2009, escenificamos no Cantón dos Moreno a obra “Tirando do fío da vergoña”, coa que buscamos concienciar a poboación sobre a eiva da violencia machista.
Ademais, lemos un Manifesto que, impulsado polo Observatorio, estaba subscrito por numerosos colectivos culturais e sociais da Mariña como o Colectivo 8 de Marzo, a ONG Amarante, a Asociación Cultural A Pomba do Arco, o Colectivo Cultural Buril, a SCDR Palestina, a Asociación Cultural Paco Lanza, a Asociación Cultural O Tesón ou o Colectivo Cultural Ollomao.
Con esta obra, o Observatorio participou no concurso “Sae a Escena”, organizado polo Ministerio de Igualdade para denunciar a eiva da violencia de xénero. Malia haber máis dun cento de proxectos participantes, o Observatorio superou a primeira criba e quedou de finalista!
