Outro mes máis continuamos coa nosa campaña de difusión das nosas escritoras Libre é a miña alma, e libre é o meu pensamento…, desta volta con María Reimóndez, a nosa escollida para o mes de xuño. Deixámosvos co conciso e directo texto que nos enviou en exclusiva para a Axenda Feminista 2013 sobre Escritoras Galegas.
Miña mai aprendeu a conducir aos 13 anos e adoito lle gababan a destreza ao volante cun: Conduces coma un home! Igualmente a Rosalía de Castro lle dicían como loanza “autor”. Eu escribo para construír un camiño onde ás mulleres se nos poidan valorar os logros sen termos que cambiar de sexo.
María Reimóndez
