Xa temos datas para as presentacións da Axenda Feminista 2013 do Observatorio da Mariña pola Igualdade!. Este ano non ía ser menos e presentaremos a Axenda Feminista 2013: Escritoras Galegas. “Libre é a miña alma, e libre é o meu pensamento..” en Viveiro, Ribadeo e Compostela!
As primeiras presentacións terán lugar este sábado, 8 de decembro, na Mariña. Ás 12.30h estaremos na Libraría Porta da Vila, en Viveiro. Pola tarde será o turno da presentación en Ribadeo, ás 20.30h na Libraría Casa das Letras.
O venres 14 de decembro poñeremos rumbo a Compostela!. Estaremos ás 20.30h na libraría Lila de Lilith e, nesta ocasión, acompañarannos Begoña Caamaño, Aurora Marco e Carmen Blanco.
E recordade que xa podedes adquirir a vosa Axenda Feminista 2013 nos seguintes puntos de venta por un prezo de 10 euros.
- Ribadeo: Libraría Casa das Letras e Tenda de Calidade Guidán (onde a praza de abastos)
- Foz: Libraría Bahía.
- Burela: Libraría Espacio Lector Nobel, Libraría Atril (no parque) ou Comercial Auma (onde a Igrexa).
- Viveiro: Libraría Porta da Vila
- Santiago de Compostela: Libraría feminista Lila de Lilith
E se ningún destes puntos de venta vos pilla a man, sempre podedes poñervos en contacto con nós a través do noso facebook, desta páxina web (apartado “contacto“), no mail observatorioigualdade@gmail.com ou no teléfono 627.037.668. Enviámosvos a axenda por correo postal a onde nos digades!
