Cartel 15
Cartel 17
Cartel 19
Cartel 5

calendario

Último mes xullo 2017 Seguinte mes
L M Me X V S D
week 26 1 2
week 27 3 4 5 6 7 8 9
week 28 10 11 12 13 14 15 16
week 29 17 18 19 20 21 22 23
week 30 24 25 26 27 28 29 30
week 31 31
Homenaxe á mestra e pegadoga Antía Cal
22 de Novembro de 2015

Dende o Observatorio da Mariña pola Igualdade, e en colaboración co Concello de Muras, queremos convidarvos aos diferentes actos que terán lugar o vindeiro sábado 28 de novembro  e cos que queremos rendir unha merecídisima e agarimosa homenaxe á mestra e pedagoga Antía Cal

 

 

Como seguro que sabedes, Antía Cal (A Habana, 1923), estudou Maxisterio, Peritaxe Mercantil e tamén Filosofía e Letras (Xeografía e Historia, en Santiago de Compostela). En 1961 fundou o Colexio Rosalía de Castro en Vigo, que foi senlleiro en moitos aspectos: na metodoloxía empregada (Antía introduciu prácticas pedagóxicas progresistas, inspiradas na asociación catalá Rosa Sensat, en tempos de totalitarismo); en ser, xa na época, mixto; na educación plurilingüe (castelán, inglés… Durante a dictadura non era posible impartir aulas en galego, mais esta si era lingua de comunicación habitual fóra das aulas); na relación familia-escola... A pesar de ser un centro privado, ofrecía unha educación ao alumnado de todas as clases sociais, grazas a un pequeno sistema de bolsas creado dentro da propia escola.

 

Antía foi unha muller valente e pioneira en moitos ámbitos: ao ser unha das primeiras mulleres universitarias na Galiza da ditadura; na pedagoxía que seguía ou no compromiso coa nosa cultura (empregaba o galego nun ambiente urbano durante unha época en que estaba prohibido; colaborou activamente no xurdimento da editorial Galaxia; preocupouse por achegar a figura de destacadas personalidades galegas ao alumnado…

Desta volta queremos renderlle unha pequena homenaxe na terra da que é orixinaria e é por iso que, xunto co Concello de Muras, organizamos diversos actos que vos detallamos a continuación e aos que quedades convidad@s!:

 

10.30h: Descuberta da placa co nome de Antía Cal no colexio de Muras

 

11.00h, no local social: 

 

  • Mesa redonda “Educando iguais” na que teremos a oportunidade de coñecer a súa achega á pedagoxía na escola galega e ao feminismo das mans de Aurora Marco e de Antón Costa Rico, profesores da Universidade de Santiago de Compostela.
  • Presentación dunha unidade didáctica sobre Antía Cal, material moi útil para empregar nos centros educativos e dar a coñecer a figura desta muller pioneira do feminismo galego, a cargo da mestra  Alba García Pico. (Quen o desexe pode descargar aquí  e aquí a unidade didáctica en formato pdf)
  • Intervención de veciñas e veciños de Muras lembrando a figura de Antía.
  • Entrega do título de Filla adoptiva do Concello de Muras
  • Actuación de Mini e Mero. 

 

 

 
Observatorio da Mariña pola Igualdade | deseño akersia.es