Cartel 5
Cartel 15
Cartel 17
Cartel 19

calendario

Último mes xullo 2017 Seguinte mes
L M Me X V S D
week 26 1 2
week 27 3 4 5 6 7 8 9
week 28 10 11 12 13 14 15 16
week 29 17 18 19 20 21 22 23
week 30 24 25 26 27 28 29 30
week 31 31
VI Video-forum Mulleres no Mundo

Un ano máis por estas datas presentamos, en colaboración coa Uned e con Radiofoz,  o Video-forum Mulleres no Mundo. Outra edición, a sexta xa!, dun video-forum que nos permite achegarnos e profundizar nas realidades de mulleres de todos os recunchos do mundo. Ao remate desta sexta edición, o próximo 27 de novembro, serán máis de 30 as películas proxectadas nestes seis anos, a través das cales o público puido achegarse ao cinema de Israel, Afganistán, Irán, Francia, India, Líbano, Serbia, Senegal, Ecuador, EE.UU, Arxentina, Perú, Bosnia Herzegobina, Canadá, Suíza ou Arabia Saudita. Cinema dirixido maioritariamente por mulleres, e cinema recoñecido e premiado ao que moitas veces é complicado achegarse por non ser tan comercial nen chegar ás carteleiras das salas da Mariña nin das cidades galegas.  

 

 

No VI Video-forum Mulleres no Mundo, que comeza o próximo xoves 6 de novembro, teremos a oportunidade de ver a primeira película dirixida por unha muller en Arabia Saudita.  Ao igual que nas edicións anteriores, desde o Observatorio seguimos a apostar polo cinema dirixido por mulleres polo que tres das catro cintas a proxectar están asinadas por mulleres

 

Coma sempre, Mulleres no Mundo terá lugar os xoves de novembro no salón de actos da Uned, no IES de Foz, en horario de 19h a 21h. O prazo de inscrición está xa aberto, e na actividade poden anotarse todas as persoas que o desexen, estándose a tramitar créditos de libre configuración para as persoas participantes. Quen desexe inscribirse na actividade, totalmente gratuíta, debe pórse en contacto coa UNED de Foz, ben escribindo un correo electrónico a  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , chamando por teléfono ao 982133699 ou acudindo presencialmente ás aulas da universidade en Foz (sitas na rúa Castelao, s/n).

 

Ao igual que en pasadas edicións, as sesións do VI Video-forum estarán guiadas por socias do Observatorio da Mariña pola Igualdade. A metodoloxía a seguir consiste en realizar unha breve presentación e contextualización do filme,  para a continuación realizar o visionado da película que corresponda a cada día. Ademáis, e como ven sendo habitual nos últimos anos, o Observatoiro repartirá gratuítamente café e pastas ás persoas que o desexen para crear un clima distendido e familiar nos debates. As películas que se proxectarán nesta sexta edición son:

 

6 de novembro: La bicicleta Verde. Dirección de Haifaa Al-Mansour. Arabia Saudita

● 13 de novembro: Planes para mañana. Dirección de Juana Macías. España

● 20 de novembro: La fuente de las mujeres. Dirección de Radu Mihaileanu. Bélxica, Italia e Francia.

● 27 de novembro: Las chicas de la lencería. Dirección de Bettina Oberli. Suíza

 

 

         

 

 

Vémonos en Foz, noutro novembro de cinema!

 
Observatorio da Mariña pola Igualdade | deseño akersia.es