Cartel 5
Cartel 19
Cartel 15
Cartel 17

calendario

Último mes xullo 2017 Seguinte mes
L M Me X V S D
week 26 1 2
week 27 3 4 5 6 7 8 9
week 28 10 11 12 13 14 15 16
week 29 17 18 19 20 21 22 23
week 30 24 25 26 27 28 29 30
week 31 31

QUE é o OBSERVATORIO DA MARIÑA POLA IGUALDADE?

 

Unha asociación feminista, integrada por mulleres da Mariña. A través de xuntanzas periódicas pomos en común análises e deseñamos estratexias e actividades a realizar na comarca, ademais de informar sobre os recursos dispoñíbeis.

 



 

>> Por que FEMINISTA?

 

O feminismo ten por obxectivo acadar a igualdade social entre mulleres e homes, superando a discriminación por razóns de sexo.

 


>> Por que DA MARIÑA?

 

O Observatorio está integrado por mulleres pertencentes ás diversas localidades que conforman A Mariña. Queremos achegarnos á nosa contorna e dar resposta ás demandas e ás problemáticas específicas formuladas polas mulleres da nosa comarca.

 

 

POR QUE nace o OBSERVATORIO?

 

Na nosa sociedade as mulleres seguen sufrindo discriminación (abonda pensar na feminización da pobreza, violencia, desemprego feminino, negación do dereito a decidir sobre o noso corpo, etc.). O Observatorio nace porque cremos que debemos seguir xerando conciencia crítica e impulsar movementos que fomenten a participación activa das mulleres como principais protagonistas da transformación social.

 

 

CALES son os OBXECTIVOS do Observatorio?

 

>> Enfocar a realidade da nosa comarca desde a PERSPECTIVA DE XÉNERO, é dicir, tendo en conta as particularidades da situación social das mulleres e dos homes, os seus problemas concretos e as súas necesidades específicas.

 

>> Analizar e identificar como se constrúen as DESIGUALDADES SOCIAIS entre os xéneros a nivel local, na nosa comarca.

 

>> DAR A COÑECER as problemáticas que afectan de forma específica ás mulleres da Mariña.

 

>> Pór en práctica ESTRATEXIAS, actividades e alternativas reais que contribúan, dende o nivel local, a transformar a sociedade patriarcal nunha SOCIEDADE IGUALITARIA.

 

>> Servir como canle de COMUNICACIÓN entre as institucións da nosa comarca e a sociedade civil, informando a mulleres e homes dos RECURSOS cos que contan a nivel institucional para mellorar as súas vidas.

 

>> Velar pola aplicación do PRINCIPIO DE IGUALDADE DE XÉNERO no conxunto das accións e políticas que se desenvolvan na Mariña para alcanzar unha igualdade real entre mulleres e homes.

 
Observatorio da Mariña pola Igualdade | deseño akersia.es